नवले पुल वाहतूक सर्वेक्षण

26th February 2023

रिझन ट्रॅफिक फाउंडेशनने नुकतेच नवले पूल येथील वाहतुकीच्या समस्या याविषयी एक आठवडा सर्वेक्षण केले. यामधे विविध स्तरावरच्या समस्या आढळून आल्या. याचा सर्वेक्षण अहवाल पुणे पोलीस वाहतूक विभाग व महापालिका वाहतूक विभाग यांना देण्यात आला.

रस्ता सुरक्षा अभियान – रिझन ट्रॅफिक फाउंडेशन

19th May 2018

रिझन ट्रॅफिक फाउंडेशन आणि दत्तवाडी वाहतूक विभागाने २८ एप्रिल ते ५ मे दरम्यान रस्ता सुरक्षा जनजागृती कार्यक्रम राबवला. सिंहगड रोडवरील विविध चौकांमध्ये वाहतूक नियम पाळण्याबाबत जनजागृती केली गेली. "Thank You" स्टिकर्स देऊन नियम पाळणाऱ्यांचा गौरव करण्यात आला. विविध कार्यक्रमांमध्ये वाहतूक सुरक्षा आणि नियम पालनाचे महत्त्व स्पष्ट करण्यात आले.

वाहतूक समस्या निवारण संस्थेची वर्षपूर्ती

3rd August 2016

सिंहगड रस्ता वाहतूक समस्या निवारण संस्थेने आपल्या कार्याची वर्षपूर्ती ३ ऑगस्ट २०१६ रोजी हिंगणे चौकात वाहतूक नियमन व प्रबोधन करून साजरी केली. सकाळी ९:३० ते १०:३० या उपक्रमात संस्थेचे सदस्य सहभागी झाले. त्यानंतर ६ ऑगस्टला मान्यवरांच्या उपस्थितीत अधिकृत वर्धापनदिन साजरा करण्यात आला.

वाहतूक नियमन करून वारकरी बांधवांची सेवा

1st July 2016

|| ज्ञानेश्वर माऊली ज्ञानराज माऊली तुकाराम ||

संत ज्ञानेश्वर महाराज आणि संत तुकाराम महाराज पालखी सोहळ्यानिमित्त पुण्यात मोठ्या संख्येने वारकरी दाखल झाले. पर्वती पायथा, सिंहगड रोड येथे वारकऱ्यांना रहदारीचा त्रास होऊ नये म्हणून सिंहगड रस्ता वाहतूक समस्या निवारण संस्थेने सकाळी १० ते संध्याकाळी ४ पर्यंत वाहतूक नियमन केले. यामुळे वारकरी, पुणेकर आणि वाहतूक पोलिसांना मोठी मदत झाली. पुणेकर व वरिष्ठ पोलिस निरीक्षक श्री. करपे यांनी संस्थेच्या सदस्यांचे विशेष आभार मानले.

प्रभोधनात्मक गुढी उभारून नववर्षाचे स्वागत

9th April 2016

वाहतूक समस्या निवारण संस्थेने गुढी पाडव्याच्या मुहूर्तावर संतोष हॉल चौक, आनंदनगर येथे प्रभोधनात्मक गुढी उभारून वाहनचालक आणि पादचाऱ्यांसाठी वाहतुकीच्या सूचनांचे फलक लावले. या उपक्रमाला दत्तवाडी वाहतूक विभागाच्या प्रमुख कल्पना जाधव यांनी भेट देऊन संस्थेच्या कार्याचे कौतुक केले. संस्था सदस्यांकडून दररोज वाहतूक नियमन करून पोलिसांना सहकार्य केले जाते, असेही त्यांनी नमूद केले. या उपक्रमासाठी संस्थेच्या सदस्यांनी विशेष परिश्रम घेतले.

"सुंदर सहवास फेज १" मध्ये वाहतूक नियमन व प्रबोधन उपक्रमाला उत्साही पाठिंबा

26th September 2015

""सुंदर सहवास फेज १" सहकारी गृहनिर्माण सोसायटीतील सदस्यांनी संस्थेच्या वाहतूक नियमन व प्रबोधन उपक्रमाला सक्रिय पाठिंबा दिला. बालचमु, महिला आणि ज्येष्ठ नागरिकांनी संतोष हॉल चौकात सकाळी वाहतूक नियमनात सहभाग घेतला, ज्यात मुलांनी वाहतुकीच्या सूचनांचे फलक तयार केले होते. ७३ वर्षांच्या जेष्ठ सभासद आणि ६ वर्षांच्या मुलींनीही सहभाग घेतला. संस्थेचे कार्यकर्त्यांनी अपघातात जखमींना तत्काळ हॉस्पिटलमध्ये पोहोचवून माणुसकीचे दर्शन घडवले. कार्यकर्त्यांनी सभासदांना मार्गदर्शन केले. "सुंदर सहवास फेज १" मधील सर्व सभासदांचे संस्थेच्या उपक्रमाला दिलेल्या पाठिंब्याबद्दल आभार व्यक्त केले.

वाहतूक नियमन व प्रभोधन करताना संस्थेचे कार्यकर्ते

22nd August 2015

संस्थेचे कार्यकर्ते वाहतूक नियमांचे पालन सुनिश्चित करण्यासाठी सक्रियपणे काम करतात. ते वाहनचालकांना सुरक्षित चालण्याचे, हेल्मेट वापरणे, सीट बेल्ट लावणे, आणि पादचाऱ्यांना योग्य रस्ता ओलांडण्याचे महत्त्व समजावून सांगतात. कार्यकर्ते फलक, पंपलेट्स आणि दृश्यीय सूचनांचा वापर करून लोकांना जागरूक करतात. त्यांच्या समर्पणामुळे, नागरिकांना वाहतूक नियम पाळणे सोपे आणि सुरक्षीत वाटते, ज्यामुळे एक सुरक्षित वाहतूक व्यवस्था निर्माण होते.